Es si nid nume Chelsea-Boots tschuld!

Er steckt dr Schlüssu ids Schloss u miteme Ruck stosst er Türe uf. Äs isch nume Tür zu sire Zwöitwohnig. Auso eignetlech ischs nid mau sini Wohnig. Es wär ja scho chli Wahnsinnig ä Wohnig z'Paris z'ha, we me dr gröscht Teu vom Jahr z'Züri läbt. Er het bi eim vo sine Ufenthaute z'Paris ä schöni Pariserin, ire vrrouchte Bar im 14.Arrondissement, Quartier du Montparnasse lerekenne. 

D'Cloé, hmmm... si het ne sofort ume Finger gliiret. Er het gwüsst, dass sie weiss wie Ihri Reitze iisetze, dass er Ihre us dr Hand frisst. Es isch ihm aber so öppis vo gliich gsi u er hets eifach gnosse.

Wo ner über Türschweue louft... schmöckt er se scho. Ds süesse, feine Parfüm wo nume si cha trage. Genau das, wo ihm vor 2i Jahr dr Atem het groubt... Ir einte Hand si schwarz Vintage-Läder-Weekender u ir angere ä Struss Marguerites woner ame Händler ame Strassestand het abkouft. 

Äs isch ändi März u für di Jahreszit scho relativ warm. Näbe de vrwäschne Jeans, u sim schwarze V-Neck-Shirt (wo viilich äs bire-bitzi z'äng isch), treit er sini lieblings Chelsea-Boots und wie geng dr dunku-khaki Parka. Er isch Journalischt u liebts sini Utensilie aui i dere Jagge chönne z'vrstoue. Sie isch ungerdesse wi zu sire zwöite Hut worde, me kennt ne nid angers. Dr eint Jaggesack isch vo sire Ur-Aute Leica scho däwä vrpület, aber ohni die vrlater z'Huus nume ungärn.

U da sitzt si, d'Bei aazoge ufem breite Fänschtersims. Ä grob glismete Strickpulli, het si anne u bluti Bei. Näbe Ihre äs Whiskeyglas u ä quaumendi Cigarette. Das ersch 5i am Abe isch stört i dere Wäut niemer. Es louft "like real people do" vo Hozier, er chas chum erwarte sä i sine Arme z'gschpüre. "Honey just put your sweet lips on my lips. We should just kiss like real people do!" D'Luft knischteret, di eroteschi Schpannig würd sogar ä Blinde erkenne. Zunge inenang vrschlunge, ässe si gägesitig dr Atem vo änang. Dr Pulli ligt ufeme Hüfeli am Bode... sie liebt sini chli lengere dunkle Haar u lat ihri Händ drin vrschwinde.

Wörter bruche si kenni, sie wüsse was dr anger brucht. Dsch vom erschte Momänt a, so gsi. Er lüpft se uf u treit se düre läng, schmau Gang its Schlafzimmer. Näbem Spitzemüschterli, tanze Liecht-Spieglige vom Chronlüchter uf ihrer Hut. Sini Zunge nimmt di Usevorderig gärn a. Sini Fingerspitze brönne fasch uf ihrem Körper u si chas nid lasi ihri Negu i si Rügge z'chraue...

Dr dürtrainiert Banker, wo eigentlech ihre Chéri isch, cha si ungerdesse guet its Resärve-Schublädli vrbanne. Sch gäbig dä Mönsch a ihrer Site z'ha, er isch Gradlinig u si weiss was si a ihm het. Aber glich wett si dä ufregend, frömd Maa wo jetz grad a ihrem Bettändi chnöilet u ne Foto vo ihre mach... wie sie sech da i de Lintüecher wäuzt, nid misse! Das Neue lat se über aui Konventione wäg luege. Sch wi zure Sucht worde, es guet ghüetets Gheimniss u ja, viilich o es bitzi ä Kick... wöus viilich eines Tages chönnt usecho!

Es isch dunku worde ir Stadt, aber dür di viile Liechter isch aues ine goldige Schimmer ghüllt! Er steit ads Schmidiiserne-Gländer glähnet ufem Balkon u roucht Eini. Si Köper nimmt d'Farb vor Strasselatärne a u glänzt ganz fiin. Es het afa rägne, perfekt für sech nach some heisse Momänt abzchüehle. We da hinger ihm nid d'Cloé würd stah u nim mit ihrne weiche Lippe, d'Tröpfli vor Wirbusüle küsse...

Ä Chäuer?

Im 16ni wohnt dr Lionel. Ä unschiinbari Tür dänkt me, we me dran vrbi louft. Viilich hesch se bis jetz no nie beachtet!? u nid mau es Lüti hets, vrschwige de nes Namesschiudli. Bruchts, we eim öpper wett cho bsueche! Unbedingt, oder!? S'gseht chli us, aus chiemt me dür di Türe diräkt ine nasse, chaute Chäuer, wo härdelet u nach Härdöpfu schmöckt!?

Dr Lionel isch Ändi 20gi u es isch nid sini erschti Wohnig. Nei, er isch scho rächt ir Wäut umecho. Ihm isch z'Wohne aber nid so wichtig, är brucht eifach es Dach überem Chopf, dass er nid nass Ohre überchunnt. Aber da di Designermöbu u dä Luxus geit ihm am Arsch vrbi. Ihm si angeri Wärte wichtiger!

Er hets aber de scho gmögig iigrichtet. Sch aues mit fein schmöckigem Houz täferet. Er het ä grosse Tisch mit eme Bank u paarne Schtüeu ir Chuchi. Dsch eine vo dene Wärt: Gseuigkeit! Mit Fründe ir Rundi hocke, eine-zwe zäme trinke u über Gott u d'Wäut philosophiere!

Näb däm grosse Ruum, het er no nes chliises Schlafzimmer mitere gäube Gummode woner sini Chleider drin vrstout. Er fingt Chleider u das ganze Mode-Züg zimli ä Brunz u totau überbewärtet. O für das, nimmt er nid öppe gärn Gäud id Hang! Es notwändigs Übu haut!

No zum Lionel, er fingt si Name zimlech schrecklech u überhoupt nid männlech. Aber si Muetter het gfunge ds sigi doch süess für ds Bebe mit de dunkle Häärli u de Chugu-Öigli... wosi ne nach dr Geburt i de Arme het gha! Er fingt, sie hät söue z'Hiirni ischaute bi der Entscheidig, wöu er heig jetz di Konsequänze z'trage! Aber äbe, ds het scho dr eint oder anger Philosophisch-Abe gfüllt.

Dr Lion wi ner sech lieber nennt (so wägem männlech), het di Obligatoreschi Schueuzit ohni Problem dürebracht, s'het ne aber Eländ aagschnäggelet u er isch wäuts froh gsi woner nach 9jahr het chönne dr Rucksack ine Egge pängle! Da er so guet isch gsi ir Schueu, hei sini Eltere grosses vorgha mit ihm. Nach langem hin u här, het er de chönne es Ustuusch-Jahr z'Ängland ushandle, wo nim für sini Bruefswahu chli ziit vrschaft het!

In Ängland isch du dr Lion Voujährig worde u de grad für nes Ziitli blibe! Het sich mit Glägeheitsjob's Überwasser ghaute u het sech näbe bi, sir Liideschaft am male gwidmet. Er isch es wäuts Talänt, aber dsch bir Kunscht ja relativ aasichtssach! Aber we mä Technik woner het aaluegt, de het ers im Griff! Sch ihm o egau das er nid riich wird. Er fingt ihm läng das, wener jede Tag chönn ufstah u Freud ha, a däm woner macht! Nume vom male eleini cha är aber nid läbe u de schaffet er no 2 Äbe ire guete Musig-Bar. Dert chaner Gseuigkeit & sini liebi zur Musig usläbe.

Öppe die wird dr Lion scho rächt belächlet! "dä Tröimer dä!" u o viieu Froue finge ds eher abschreckend! "U nei, dsch mr ä z'gwaggelegi Gschicht!"

Bis einisch ame Donnschtig-Abe es schöns Meitschi mit blonde Chruseli ad Bar sitzt & u mit grötete Backe äs Glas Rote bi nim bsteut. Si schwümme sofort uf dr gliche Wäuelengi... & vrquatsche sich! Nach es paar Stung, sch ne vor cho wi paar Minute... hei beidi no röteri & ganz warmi Backe! U das nid nume wägem Rote! Es het ne uf aahieb dr Ermu ine gno! Isch äch das da "di Liebi ufe erscht Blick"!?

Ja, mängisch wär er froh... er hät ändi Monet no chli meh uf dr Bank. Aber solang er cha sini loufende Usgabe zahle, si Buuch nid zfescht chnurret u ner fasch au morge miteme lache uf de Lippe erwacht (u jetz sogar miteme schöne Meitschi im Arm, wo ne vrsteit) ...wird er äuä nüt ändere i sim Läbe!

hinger vrschlossene türe...

hesch dr oscho überleit was es aues für gschichte git... hinger vrschlossene türe!? schöns, truurigs, vrstörends, erstunlechs, luschtigs, schregs... & sicher no einiges meh! mä louft dür d'wäut u het d'ouge & d'ohre offe! ...& doch blibe viieu gschichte, hinger de türe vrborge. ig ha vor angerne türe gwüscht... & drbi hani so einiges vrno...bisch du o ne gwungernase & gspannt was hinger dene türe louft? söu dr di gschichtli vrzeue!? so aus bettmümpfeli!?

mau öppis süesses...

geschter abe nachem schwümme... dir gloubet ja nid, ha ig gluscht gha uf öppis süesses! da ig säute bis nie süessi sache däheim ha... die loufe meischtens ab, wöui zersch d'salami, dr chäs & d'grissinis isse! hani müesse kreativ si: für mi ja nid z'gröbschte problem! ;) mit inschpiration vom letschte weekend, wo öpper blätterteig-nuss-stange het gmacht... hani zum glück äm mäntig ä blätterteig kouft (ds hätti schüsch nid eifach däheim) u de isch mr da dä gipfeler vom betty bossi isinn cho! betty bossi het ja tonnewiis so cooli sache wo me, we me z'heftli überchunnt dänkt: "wie hani bis jetz ohni das chönne läbe!" ...u de äbe, bsteut me... & mä hät würklech o guet ohni das jenige welche chönne witerläbe!;) auso ig finge di sache ja aui super, o d'chochbüecher ect. ig bi sicher scho ab u zue froh gsi! aber äbe... dä gipfeler muesi ehrlech zuegä... isch scho chlei vrstoubt im chuchischäftli gstange;)
ehh, isch ja glich... ig bi ömu froh gsi hani dä gipfeler anno dazumau kouft, wöu was hätti jetz o ohni dä gmacht!?
im schäftli hani de no 60gr. gmahleni hasunüss gfunge, ha öppe 30gr. zucker drungergmischt, ä öppfu mit dr bircherraffle drzue grafflet (samt dr schale, di isch gsung), ä priise zimet & mit chlei zitronesaft abgschmöckt... s'het so ne gäbegi, füechti masse gä woni uf däm gipfeler vrteilt ha! gipfeli gformet, u für öppe 20min. (je nach brüünigs wunsch) bi 180grad i vorgwermt ofe ta u bache;) ...la abchuele u de grosszügig mit puderzucker beschtäubt! himmlisch... leu warm vrputzt, si hei abgang gha...

ig ha mir vorgno dä gipfeler i zuekunft no chlei meh z'bruche & ne nüm la z'vrstoube! ig chönnt gli mau croissant aux chocolat mache, di si leu warm usem ofe sicher o nid z'vrachte! oder de no ne sauzegi variante mit...!?
düet dir o gärn improvisiere? oder aus nume ab rezäpt? u wie heit dirs so mit de betty bossi sache?

outing: dentist angst!

hö, was? ja, genau das was ihr denkt! ich nehme das wort mit Z nicht mehr in den mund;) ich finde dentist tönt schöner in meinem ohr, weniger böse & gefährlich! überlischtet!;)

auso, wo fa ig da a!? ja, ich habe angst! sehr grosse sogar! immer noch ein tabu thema! wie ich von meiner dentistin gehört habe, ein weit verbreitetes & das trotz grosser angst... oder äbe gnau wäg dere!

meine geschichte beginn bereits in kindertagen! seit ich mich erinnere, habe ich grosse panik wenn das Z-wort fällt! es ist so schlimm, dass ich mich sogar mal vom hochbett in den tod stürzen wollte, ähä! übertribe... hani chönne! aber we me ke angere uswäg weiss!? hmm...

da ich zum glück relativ gute zähne habe, bin ich irgendwie durch die kindertage gekommen ! jedes mal wenn ich auf diesen stuhl sitzen musste... us het gheisse... mä duet z'muu uf & söfu blöd mues me jetz würklech nid tue... ds müesse aui... wurde es in mir ein bisschen schlimmer... unerträglicher, panischer! schon damals wusste ich, wenn ich mal gross bin... gani nüm zu däm! ...ich wurde 18, volljährig und ging nicht mehr! voilà, problem gelöst! hach! die schönsten 8jahre meines lebens!

...& de einisch ame morge... *zägg* ä bitz zahn abbroche! u jetz!? panik... ig bi vrlore! tönt jetzt relativ unspektakulär & übertribe, aber glaubt mir, wenn ihr wirklich angst habt, der blanke horror! dazu kam, das mein liebster in einem belanglosen gespräch fallen lies... "ig hät scho müeh mit äre frou mit grusige zähn!" *ä schweissperle isch mr denn dr rügge ab grügelet* ich habe bis dahin niemandem von meiner angst erzählt, nicht mal ihm! weil... ds müesse ja aui & jetz due nid so doof!

ja, was nun! zum glück wohnte ich damals in einem haus, in dem eine dentisten-assistentin wohnte! all meinen mut zusammen genommen & bei ihr angeklopft... ich hätte ein problem... sie hat mich beruhigt und meinte, man dürfe angst haben von dem Z-wort-mann! das hätten sehr viele! 
den termin abgemacht... fand ich einen alten, ruhigen mann im zimmer vor! er hat mich beruhigt & mit guter atem-technik, habe ich diese sitzungen überlebt! alles wider okey! 
in dieser praxis habe ich dann auch eine wunderbare, liebe & gute dental-hygienikerin kennengelernt. bin auch mehr oder weniger freiwillig 1mal im jahr, bei ihr auf der matte erschienen!

dann kam die nachricht: sie höre auf & der dentist gehe in pension! wider ä chlini wäut zäme broche... ja ig weiss, dass auti manne irgendeis i pension gö! aber ich habe es damals gekonnt verdrängt! u jetz!?

man wurde, wenn man wollte, einfach auf den neuen dentis überschrieben... ein junger symphatischer mann! aber äbe... ds heisst no nüt! 
übrigens, im dental-hygiene-termine gaaanz spät abmache, bini o bis denn geng ä held blibe! bin aber immer weiter gegangen, weil ich auch von der neuen, sehr sympatischen und einfühlsamen frau angenehm behandelt wurde! wenn ihr jetzt denkt super, angst überwunden... weit gefehlt! der tag kam, an dem mir gesagt wurde, man sollte eine füllung bei einem zahn ersetzen!

schlaflose nächt, panik attacken, kalter schweiss, herz rasen... immer und immer wieder, wenn es zwischen dem verdrängen hochkam!  sogar zahn-werbungen im tv konnte ich nicht mehr schauen! 
söfu blöd bini nid, dass i nid hätt gwüsst, dass wenis jetz nid mache... das es schlimmer wird! aber äbe! 
nun war ich so weit das ich über meine angst sprechen konnte, es hat gut getan & "ihr" wohl auch einwenig den wind aus den segeln genommen! aber weg, war sie noch nicht! ich habe an einen psychologen gedacht!? ig mues di angscht i griff übercho!

der dentist hat mir seine frau empfohlen. sie arbeite mit angstpatienten! aha! 
termin abgemacht... nach 10tagen... darüber nachdenken & mich innerlich beruhigen! 

ich sass also im wartezimmer... & sah sie zum ersten mal, ein hach-lachen und ich fühlte mich schon besser! jetz sass ich also bei ihr auf dem stuhl... eine sehr symphatische frau, jemand der mir zuhörte und ich das gefühl hatte, dass erste mal ernst genommen zu werden. sie hörte mir zu und sie sagte mir "ig vrstah nech!" woow, ig bi nüm äleini! sie hat sich durch ihre flugangst dazu entschlossen angstpatienten zu helfen, weil sie selbst weiss wie sich angst, panik anfühlt! 
wir haben einen termin abgemacht. so kam es, dass ich einen monat später zum auswechseln der zahnfüllung... zwar immer noch aufgeregt, aber mit dem wissen, dass man die behandlung zu jeder zeit unterbrechen kann... auf dem stuhl platz nahm! sie hat mir empfohlen, die behandlung mit lachgas auszuprobieren! das hab ich auch gemacht. einwenig ungewohnt ist es schon... ich habe eine maske über die nase bekommen, durch welche man ein lachgas-sauerstoff gemisch einatmet! ich wurde ruhiger, konnte immer besser-ruhiger atmen & das gefühl von "sch mir doch wurscht, dass du i mim muu umeguslisch!" stellte sich ein! ...die stunde und der eingriff gingen ohne probleme und im nu vorbei! ...& es isch erträglech gsi!

wie es in zukunft wird, kann ich euch noch nicht sagen. ich weiss aber, dass es gut tut... zu dieser angst zustehen! ich weiss, dass man ernst genommen wird und man jede behandlung unterbrechen könnte! dies gibt mir die sicherheit, nicht mehr ganz so ausgeliefert zu sein! ...& es geit mr am arsch vrbi, obi belächlet wirde! ja, ig kenne ANGSCHT!

habt ihr auch angst? wenn ja, probiert zu einem dentist zu gehen, welcher euch mit diesem unbehagen helfen kann! denn die lebensqualität ist viiiel grösser, wenn dich diese angst nicht mehr überall hin begleitet! nur mut! o we di niemer ärnscht nimmt, ig dues & drücke dr fescht düme!

mi zahnarzt!

legüm chüechli (tartes aux légumes)

 
- ä koufte, rund usgwaute kuecheteig äng mitere gable iischtäche & uf nes mit backpapier beleits bläch lege...
- 2eier mit 250-350gr. ricotta vrrüehre, 70gr. parmesan drunger mische mitere pris muskat & chli pfäffer würze & de d'masse ufem teig vrstriiche...
- ä aubergine, 2 grossi rüebli & öppe 2 zucchetti i fiini schtreife hoble...
- d'gmüesstreife kreisförmig uf d'füuig lege, drbi vo usse aafa...
- jetz no für öppe 60min zungerscht i ofe!

ä guete (sch u fein gsi... drzue no nes grüens blatt-salätli & nes somersby )ig chönnt mr guet vorsteue, dass ds ricotta bödeli no mit diversne angerne gmües u fein wär!

quelle: kraut und rüben

usziit...

„ig lösche hinech mau aui mini twitter-facebook-apps… für ca. ä monet! wünsche nech ä gueti ziit & viilich siter ja no da, weni ume chume!? heißt sofern igs ä monet ohni euch “ushaute”!?;) biuderbüechli (instagram) bruchi witer u via sms, telefon oder brief-poscht chame mi o witer erreiche… häbet ä schöne juni, löt nech vor sunne la werme, grillet, suufet es glas zwöi rote, häbet freud am läbe & gniesset! müntschi“

...das habe ich am 02.06.2014 nachmittags über meinen tumbler-blog geprostet! ich habe schwer vor es auch durch zu ziehen! wieso weiß ich auch noch nicht so genau... im ha mrs scho lang mau überleit... jetzt setze ich es um!

03.06.14: noch keine entzugserscheinungen, habe mir beim frühstück aber doch kurz überlegt die twitter-app zu öffnen... weil gwohnheit! sie ist aber gelöscht & somit kam ich nicht in versuchung!

...

16.06.14: 13tage oder auch ca. halbzeit... später öffne ich diese datei wieder, um wieder was zu notieren! 13tage ohne twitter... ohne facebook! hmm... zuerst mal das schnell erledigte: facebook vermisse ich nicht wirklich... ausser vielleicht weil man nicht mehr die gwungernase cha fuettere... wenn ich mal 2x pro tag die app öffne ist das sehr viiel!  aber schüsch nö, nid würklech... ich nütze das nicht wirklich. aber auch nach bald 2wochen habe ich trotzdem nicht das bedürfnis, dass ganze profil zu löschen! ich werde es wohl weiter nutzen wie bisher! option offen lassen... & es brauchen zu können wenn man will... ist ganz okay!

bei twitter ist es irgendwie anders... dir fählet mr zum teu richtig fescht! ;) oder jedenfalls einwenig!;) mir wei ja nid übertribe! manchmal ertappe ich mich wie ich an jemanden von euch denke... auch an solche die ich noch nie im „real life“ getroffen habe, ich frage mich was du wohl machst und wie deine geschichte weiter geht... ig hät ja nie dänkt das ds mau so usechunnt! ich könnte auch gut ohne euch weiter leben, wenn es denn sein müsste! ;D sorry, das nech jetz d’illusion nime: es giengt scho ohni euch! ich habe nicht das gefühl es ist schlimm nicht in die tl zu sehen! sogar überhoupt nid! mir war auch nie langweilig ohne euch! ig ha bim beschte wille  gnue angeri hobbys, z’tüe, z'erledige... aber etwas fehlt! einwenig vermissen? profile? menschen die man gar noch nicht echt kennt!? ja, wohl so was muss es sein!

...wie geht es wohl euch? hat wohl jemand gemerkt, dass ich weg bin!?

habt ihr euch auch schon mal gefragt wie ihr in den augen der anderen rüberkommt? ich ja! oder seit ihr alle dermassen von euch überzeugt, dass nech das am arsch vrbi geit? oder überleget eifach nid söfu wie ig!? auso ig wett mi ja nid für nech ändere... aber mängisch würd mi gluuschte zwüsse wi dr mi würdet zeichne u was für wörtli dr würdet drzue schribe ;D jeder von euch ist speziell und hat ein „mödeli“ oder erkennungsmerkmal und ich finde es spannend einwenig von euch mitzubekommen, ob ihr jetzt echt seit oder euer gefaktes getue, genau die mischung macht es aus! was ich in dieser zeit bis jetzt gemerkt habe... ich muss unbedingt ausmisten und die menschen die nicht auf meiner wellenlänge sind (si äbe nid nur z'gwürz ir tl), eifach nur gwungernase fuettere (auso nid mit eim kommuniziere), mich nerven, oder einfach nur jammern, löschen... ich mag das nicht mehr! ein mimimi ab und zu,  ist ja ganz okey, (bruchi o, machi o & für das si mr ja o chli da) aber mehr vertrage ich zur zeit nicht! keine ahnung wie ich twitter in zukunft nutzen werde... ig chume uf aufäu ume rötur... um dieses kapitel zu beenden habe ich euch z liebgewonnen, ich habe zu grossen spass daran & habe schon zuviiele gute menschen in „echt“ kennen gelernt! könnte sein, dass ich es reduzierter nutze... aber äbe... mä isch schnäu ume im autagstrott & de vrzeui ume vom wyy suffe, vor hach-chatz oder vom fritz wo het g’naseböögelet! sorry schomau... sch haut nid würklech technisch... wobi! eh lö mr das! aber wie bisher... es ist euch freigestellt mich zu entfolgen! lieber so, als das sich jemand über mich nervt oder evt. noch graue haare bekommen könnte... jaaa nid! ;)

ich nehme jetzt noch den 2.teil meiner usziit in angriff! bin gespannt wie ich es weiter „durchhalte“! ich hoffe ihr habt meine postkarte erhalten!? (merci rahel zum iiwärfe!)

30.06.14: eigentlich wäre meine auszeit, um es haargenau zu nehmen noch bis am 02.07.14 gegangen... aber wär nimmt das scho so gnau!? ich hatte das gefühl heute ist der richtige zeitpunkt zurück zukommen... tada! hier bin ich... & welch wunder bim ineschnouse isch no aues bim aute gsi... ich bin gespannt wie das einleben und das weiter nutzen sein wird!? es war eine wunderbare zeit und ich kann es euch nur weiterempfehlen! 

kommunikation & interpretation

öhh du, dsch ume so nes thema... eigentlich sollte ich gar nicht erst anfangen darüber zu schreiben! 1.unerschöpflich 2.unerschöpflich 3.unerschöpflich... voilà! ich beginne jetzt trotzdem irgendwo in der mitte.

es ist WICHTIG, dass man zusammen kommuniziert... wohl das A&O der zwischenmenschlichen beziehungen und somit wohl auch das schwierigste! hmm, wieso tun wir uns manchmal so schwer zusammen zu sprechen? tun wir gar nicht! „das problem“ ist wohl eher das wir auf derselben ebene miteinander sprechen & einander auch wirklich zuhören! ein wichtiger punkt ist meiner meinung nach auch, dass wir wirklich mit unserem gegenüber sprechen, diskutieren wollen & nid nume am fride z’lieb hurti häre höckle u so tüe aus ob! ja, das gibt es nämlich auch! der andere hat dann das gefühl nicht ernst genommen zu werden und scho artets us! genau gleich sollte man auch ehrlich sagen wenn man nicht in der verfassung ist um ein wichtiges gespräch zu führen & der andere sollte das auch verstehen oder wenigstens akzeptieren! ...denn äs chunnt o ihm z’guet! kompromisse... zuhören... mau es 5i la grad si, dass sollte man in kommunikationen unbedingt auch können! stellt euch vor, beide beharren auf ihre meinung (ds wär ja okey) aber jeder will dem anderen auch seine (natürlech di besseri) aufzwingen... wo hi chiemte mr de da!? man kann es auch super zusammen haben wenn man nicht genau gleicher meinung ist, imfau! es macht es spannend, horizont erweitern, darüber nachdenken, abwägen, etwas vom gegenüber annehmen oder einfach bei seiner bleiben! man hat sich mit etwas auseinander gesetzt und evt. in betracht gezogen!?

manchmal haben wir auch das gefühl darüber spreche ich jetzt lieber nicht mit meinem gegenüber... nicht so wichtig... & dann nagt es an uns wie die ratte am blumenkohl... oder so!;) wieder glaube ich persönlich, dass wenn wir überlegen es ihm/ihr lieber nicht zu erzählen... sollten wir! wöu schüsch chunnts zu däm: „was isch?“ – „nüt!“ (mängisch isch aber würklech nüt!) ;) ...es beschäftigt uns ja schon so doll, dass wir es raus lassen sollten... stei vom härz & liechter si mr! dsch jetz gar rose aagmaut... aber mä sött ;)

nein, kommunikation ist nicht einfach, dass hat nie jemand behauptet! oder scho? de wäri ja gschpannt! als ob kommunikation nicht schon eine herausforderung für sich wäre... kommt da noch die liebe interpretation hinzu... jaja, dsch no ni aus gsi! interpretationen sind... tagesform abhängig! ...und ja, beidseitig! 2 + 2 + tagesform – einfühlungsvermögen + stimmlage + hormon... huere schwirig! ...z’läbe haut!

neben der auge um auge kommunikation, gibt es ja noch di neumödeschi sms, mail kommunikation... ich finde dort ist die eigenen interpretation noch einmal ein thema für sich! bin ich nämlich scheisse drauf, heisst... „könntest du mir noch ein kleines brot aus der migros bringen?“ – „du hesch ume z’ganze brot furt gfrässe u ig hätt gfälligscht z’morge mini gonfischnitte wöue!“ aber halt, nur weil es dir nicht so gut geht... wünscht dir noch lange nicht jeder die pest! anders rum geht es auch, ich bin auf wolke7... „ich wünsche dir einen schönen tag!“ – „du liebste, aller lieben zuckerhasen, ich möchte du wärst bei mir & wir würden hand in hand über die blumenwiese tanzen!“ aber auch hier ist vorsicht geboten, nur weil du die ganze welt umarmen möchtest... will dich trotzdem nicht jeder vom fleck weg heiraten! äbe haut, INTERPRETATION! ;)

rezept: gibt es keines! (oder habt ihr mir eines? ich würde es dann hier unten anfügen!)

mein tipp: toleranz, genau zuhören & nicht zuviiel interpretieren! 

...häbet ä gueti, churzi wuche mit viieu eier & süessem! ;)

es war einmal...

...so beginnen sie, die geschichten! gestern abend sass ich auf dem sofa und bin meinen gedanken nach gehangen;) eigentlich wollte ich ja an die museeumsnacht... aber mit kopfschmerzen as hell... habe ich es bleiben lassen! habe über das leben, die menschen und so gegrübelt... & dann kam mir die idee, dass ich wohl auf dem dachboden noch "eine schachtel mit erinnerungen" habe!? neben meinen erinnerungen im kopf & im herzen, ist es schön noch briefe (in papier-form... wo no schmöcke) und andenken zu haben! irgendwie gibt es ein gefühl von greifbarem. etwas was wirklich war und nid öppe nume es hirngschpinscht! bin sofort hinauf gestiegen... da war sie, mit einer feinen schicht staub bedeckt... & ja und was war in der sagenumwobenen kiste? ...briefe, texte, zeitungsausschnitte, tagebuch, mitbringsel, geschenke, fotos... und einige fast 20jahre alt! woow... ja denn bini öppe 13-14 jährig gsi!;) ich habe vor mich hin geschmunzelt beim lesen der briefe und texte... und ab und zue sogar lut useglachet! einer war dabei: "ich habe mich total in dich verliebt! willst du mit mir gehen? vielleicht gehen wir noch diese woche... vielleicht auch länger?" hach! oder "sonnige grüsse aus dem schönen südfrankreich, liebste" (er war damals 13jahre alt) liebste!? solche briefe wo man daraus entnehmen konnte, dass ich wohl ein herz gebrochen habe... waren auch dabei! unschön, aber auch das leben! (äbe haut nid geng aues himmublau & roserot wi igs gärn hät!) *seufz* anita... anita...;)

logischerweise kamen mir einige bilder hoch... die ich verdrängt habe, gar nicht mehr daran gedacht habe oder einfach wunderbare momente chribbele... härzchlopfe... füechti händ... äs erschts müntschi... gueti gspräch... träne... ärläbniss... usflüg...! hmm... schön was so aues i mim läbe bis jetz passiert isch! es hat mich geprägt, wachsen lassen, habe daran gelernt und bin wohl auch ein birebitzeli gereift... maybe!? ;) wie einiges abgelaufen ist, bedauere ich im nachhinein ein kleines bisschen, aber ich wusste es wohl damals nicht besser! u dr hätti u dr wetti si brüeder gsi u kene het öppis gha! ;)

viele dieser menschen die in diesen briefen und texten vorkommenn, habe ich total aus den augen verloren... es kamen... und gingen... schon einige! andere sehe ich ab und an. wieder andere probiere ich seit 2jahren mal zu treffen... soll wohl nicht sein! man will es vielleicht beidseitig nicht so ganz! sonst sollte es doch klappen... bei 365tage die ein jahr so hat!? tja, wir bleiben dran! wieder andere haben sich total verändert (oder bi igs äch?) früher ging man durch dick & dünn! heute spricht man nicht mal mehr mit einander, weil kein gespräch zustande kommt... anschweigen... stille... komisch... auch das gibt es & das ist gut so! einige möchte ich gar nicht mehr sehen... und ein teil davon läuft mir immer wieder über den weg! ha, söu äuä so sie :D ...dsch viilich d'rächnig! einfach mal menschen ausfindig machen und schauen was aus ihnen geworden ist!? weil man sie zu einem zeitpunkt des lebens gern mochte!? oder lieber einfach vergessen... löschen... das war einmal und ich möchte nichts mehr zu tun haben!? es muss ja nichts grossartiges  daraus werden! vielleicht mal ein bier oder ne mail... und das war es wieder für die nächsten 20jahre!? oder vielleicht findet man wieder einen gemeinsamen nenner und tauscht sich ab und an aus!? ich werde jedenfalls mal eine mail... zwei tippen & sie vielleicht auch versenden... mal schauen was passiert und das leben für diese vergangenheit bereit hält!?

...noch zur kiste: werde mir wohl nächstens eine neue grössere kaufen um weitere erinnerungen & momente darin fest zu halten. wöu äs fägt mega dert drin z’schmöckere! ...& dass ich in 20jahren wieder einiges mehr zu schmunzeln habe! vielleicht bist du dann auch in dieser kiste... als hach-moment, als bereicherung für mein leben, wohl nicht mehr in papier-brief-form (schade eigentlich) du darfsch mr gärn mau äs briefli schribe... ig ha sogar ä richtige briefchaschte;), aus schöni bekanntschaft, aus ä schöne abe, ä aagregti diskussion oder eifach so...

first kiss

heute dienstag, 11.03.14 morgens DAS video 

gesehen... mit einem grinsen auf den lippen... geschmolzen... #hach wie schön... und zitat: “die welt ist doch ein guter ort #doppelhach“ ...weiter geteilt... lyrics vom song auseinander genommen...

 so let’s love fully

let’s love loud

let’s love now

coz soon enough we’ll die... #imfau

(übrigens von soko – we might be dead by tomorrow) auch sehr #hach-ig wie ich finde zouberhaft... sich kurz darüber unterhalten wie es wäre eine eben solche photo-serie zu machen... wäre spannend! dann über den ganzen tag verteilt immer wieder DEM video begegnet! es wurde geteilt... darüber geschrieben, es wurde gesehen und wieder gesehen und geliket... di hei das guet gmacht, sehr guet sogar...  eigentlich wurde es zu werbe-zwecken gemacht (kleider-label oder so)! die haben verstanden wie es geht ;)

es wurde bis in die nacht darüber diskutiert, auf diversen kanälen...

was wäre wenn mich mitten auf der strasse ein wild fremder mann oder frau küssen würde? habe ich mich gefragt! hmm, ganz ehrlech ke ahnig! no nie passiert...

auso vrsetze mir üs mau i di situation... sind wir ehrlich... wäre es wohl so, dass wenn uns DIE person unserer träume oder auch zitat: “der prinz auf dem einhorn“ küssen würde... & er/sie dann noch küsst wie ein herrgöttli... wir dann still geniessen würden!? ...im moment, wenn es passiert!? ...ich glaube, ich bin fast sicher, JA! (für mii müesst er no ne feine mund-gschmack ha, schüsch würd ds gad gar nüt ;D)

genau so war es ja auch im video, oder? wir, ich spreche glaube ich auch für einige von euch... fandet auch, dass diese menschen irgendwie zusammen „passten“! ...es giiget! wäre es aber so, dass ein mensch den ich... nid ma schmöcke ...mich küssen würde... ich wohl nicht sonderlich erfreut wäre! (schlaa würd ig ne aber gloub nid, ig bi nid sone fründ vo gwaut! öppe mitem handrügge z muu abwüsch u flueche wi ne rohrspatz!? oder eifach o nume da stah u blöd id wäut use luege! wöu äbe, erstuunt, perplex, platt...) dazu kommt noch das die im video wussten, dass sie sich doch JETZT bitte küssen sollten! ein kleiner, entscheidender unterschied, finde ich! als wenn man ohne vorwahrnung einfach so von einem fremden, auf der strasse geküsst wird! ...oder? tja, wenn wir es nicht ausprobieren, werden wir es wohl nicht wissen, wie wir reagieren! habt ihr es schon mal probiert? seid ihr so waghalsig? oder fragt ihr immer vorher ob es okey wäre, wenn ihr sie/ihn jetzt so in etwas 3... 2... 1... küssen würdet!? muss das auf die to-do-liste... einen fremden küssen bevor ich ins gras beisse? hmm... bis jetzt ha ig das no nie gmacht... habe immer zuerst ein paar worte mit diesem, dann nicht mehr ganz so fremden, gewechselt... bis es zum spöifertuusche isch cho! erfahrungs-berichte wären schön, merci! oder einfach mal 3... 2... 1... ;*