love in the 21st century...

eine freundin von mir und ich sassen an einem nachmittag gemütlich auf meinem lounge-sofa... tranken tee... assen süsses und plauderten über das leben <3 im radio liefen songs mit den titeln wie "love in the 21st century" oder "sleep with a friend" naheliegend, dass wir über die liebe sprachen... wieder einisch;)#unerschöpflechhaut
cha me sech hüt zu tag eigentlech no vrliebe? oder isch ds öppis vom usstärbe bedrohts? kann man das noch? 
"klar cha me, schmätterlinge im buch gö immer!" ja, es gibt wahrscheinlich kein alters-ablauf-datum für das chribbele im buuch... das glaube ich auch!
ich möchte aber über den schönen abend, das glas rotwein... oder drei... die heisse nacht... hinausschauen! will man heut zu tage noch mehr? will man sicht festlegen, so mit allem drum und dran... haut und haaren!? nicht schlafen, keinen hunger, nervös? gibt es das gefühl nur in teeny-tagen? lässt das mit der erfahrung nach? profis haut... ;)
möchten wir uns in dieser schnellen welt nicht mehr festlegen? sind wir auch in der LIEBE zur konsum-gesellschaft geworden? wenn wir offen sind, haben wir heute ein enormes angebot mit menschen in kontakt zu treten... wieviele SoMe-kanäle gibt es zur zeit eigentlich!? 
sex kann man an jeder ecke haben... da brauche ich ja nicht "eine komplizierte partnerschaft" und etwa noch mit problemen! hole mir einfach was ich grad so brauche.... sage ich mal leicht überspitzt! erstes hochgefühl vorbei... schmetterlinge auf der blume... am pöisele... erstes problem... und tschüss! 
liebe ist zeit intensiv... sage ich jetzt einfach mal so! wollen wir das nicht mehr? eingespannt im job, hobbys, veranstaltungen... ect.! da liegt eine LIEBE einfach nicht drin!? oder lassen wir uns am liebsten alle möglichkeiten offen... es könnte ja noch was besseres kommen? schöner, klüger, schlanker, trainierter, mehr belesen, mehr wanderer, weniger nörgler... wählerisch & aaspruchsvou haut!
ist man vielleicht auch einwenig abgestumpft mit dieser reizüberflutung in unserer welt? wieder mal ein post mit vielen fragen, interpretations spielraum, verschiedenen ansichten und no meh pünktli... gerne würde ich eure meinung dazu lesen... wenn du denn magst!? ;)am besten via kommentar, damit andere leser wissen wieso es so schwierig ist sich zu verlieben oder dass sie besser verstehen wieso sich ihr gegenüber so verhällt... wie sie es gerade tut! gerne aber auch über "schreib mir:" ganz persönlich und nur für mich! danke euch für eure zeilen und eure wertvolle zeit...

 

wann ist genug!? extremismus

mein letzter grösserer post ging um meine fitness! nie hätte ich gedacht, dass mich dieses thema mal so einnehmen würde! ...& *zägg* hets mi de doch vrwütscht!

ich habe in meinem umkreis einige "extremisten" in allmöglichen formen... entweder schwarz oder weiss, ganz oder gar nicht! ist der mensch gerne extrem? so fällt man auch eher auf... als in den graustufen! ist das evt. mit ein grund... extrem zu sein? das nur so aus zwüschegedanke!

...als ich mitte februar mein fitness-experiment gestartet habe, sagte ich mir: fitter werden und ein paar kg vrlieren... das wäre schön! 

heute am 16.10.15 8monate später... bin ich sehr viel fitter und habe bereits 11.5kg weniger! schön, ja evt auch ein bisschen stolz... aber dr chopf schpieut vrruckt!

wohin könnte ich es noch bringen? was ist mein endziel? noch 5kg, noch 10kg!? muskeln aufbauen? körperstellen definieren? man sieht ja gar nichts? immer noch wie vorher!? ideal? perfekt? ich möchte nie so ausgemergelt aussehen wie die! das wäre zu zuviel!? das bin doch nicht ich!? oh, heute habe ich ein nachtessen... muss unbedingt noch eine morgensport-runde integrieren! das sind einige fragen und gedanken die mich beschäftigen... wieso hat sich mein körper-empfinden so grundlegend geändert? ich esse immer noch für mein leben gern! der gute wein spielt immer noch eine bedeutende rolle in meinem leben! würde für nichts im leben ganz auf diese freuden verzichten! aber trotzdem... hinterfrage ich vieles und mein gewissen meldet sich viel häufiger! wirdi äs zieu für mi finge? wenn isch gnue?

zucchetti-"kuchen" ohne mehl

(ich habe die halbe menge gemacht für ein 26cm durchmesser blech *bild*)

- 500gr. zuchetti in feine scheiben hobeln & in olivenöl dämpfen... am schluss 2knobli-zehen dazu pressen... salzen & pfeffern

- 4eier

- 1/2dl rahm

- 50gr. parmesan oder sprinz

- bund basilikum geschnitten alles zusammen verrühren

- zucchetti dazugeben und alles gut vermischen

- kuchenblech rund oder eckig ausbuttern & 2el paniermehl darin verteilen

- auf die zucchettimasse 2el paniermehl & butterflöckli geben

-bei 225gr. 15min backen...

...mampfen! leuwarm lecker & ausgekühlt ebenso!;)

motivation

dir liebe, ä momänt isch es här... heute schreibe ich über meine transformation ;) eigentlich wollte ich euch das ersparen... aber evt. spornt es ja den einen oder anderen an, dran zu bleiben... die anderen können per einem klick diesen bericht wieder verlassen...

also: vor heute genau 100 tagen habe ich den entschluss gefasst wieder fit-er zu werden! tada! keine diät, nein... mein gewicht ist zweitrangig! war es schon immer, oder meistens! schon als kind hatte ich „öppis dran“ ich war nie dick! muskulös und ja, ich liebte das essen schon immer! während der pubertät kamen die rundungen... und die blieben! ich liebe meinen hintern & meine brüste! auch wenn zweiteres, beim sport manchmal nervt! aber ich bin gerne frau! voilà;)

wieso ich denn was ändern will wenn ich rundum zufrieden bin? tja, mich nervte es, dass ich bei einigen aktivitäten schneller an meine grenzen kam, als andere! mi hets ufgregt dasi mir ha überleit... masch äch de dert mit? somit war der entschluss gefasst... u ja, mä wird ja haut o nid jünger u weme jetz no cha z’rueder umeriisse... ist es bestimmt einfacher als mit 50!

vor etwa 4jahren (churz vor 30gi haut) hatte ich diesen einfall auch schon mal...;) und habe für mich die variante von ebalance entschieden! ich wurde fit-er durch meine sporteinheiten und habe durch die „einwenig reduzierten kcal“ dazu noch 6-7kg abgenommen! perfekt! hani dänkt... u schwupps... durch die ganzi euphorie hani aus um mii vrgässe u i 4jahr die ganzen 7kg wieder drauf gha!

anfängerfehler! auch ich kann meinen körper nicht überlisten, denn wenn man in alte gewohnheiten fällt... ist man schnell wieder im alltag und vergisst!

mit dieser einsicht im gepäck habe ich also vor 100 tagen wieder gestartet... diesmal habe ich mir die my fitness pal app runtergeladen... als spielerei und damit ich schwarz auf weiss sehe was ich esse (mä weiss ja scho was guet isch u was nid... aber mängisch isch me de gliich erstuunt) und was ich verbrauche... ich brauche es als unterstützung und nicht verbissen! ungefähr so handhabe ich es auch mit dem essen... ich bin eine geniesserin... wie ihr ja sicher bereits rausgefunden habt! wer #aperöle zu seinen lieblings-hashtags zählt... kann ja nicht anders!;) ich kann und will nicht verzichten! auch möchte ich kochen und essen was ich lust habe! gerne ein bier oder das glas wein trinken! z’läbe gniesse wöu mir hei wahrschinlech ja nur das einte... & nid immer nume jammere ig darf das u äis nid! nein, was wäre das für ein leben? jedenfalls nicht meines! alles... aber im rahmen!...u fürs supplement chli meh bewege! mis credo! ;)

wo stehe ich jetzt, nach 100tagen? der sport gehört wieder fix zu meinem leben... ich werde keine hochleistungsportlerin... aber ich liebe es mich zu bewegen! es macht süchtig... grenzen spüren und den körper! ja, das aus meinem mund! ich mache immer das, was mir eben JETZT gerade lust & freude macht... nicht weil ich muss! ob schwimmen, spinning, tanzen, yoga, zumba, wandern, vitas parcours, krafttraining... ect. es gibt soviele spannende bewegungsmöglichkeiten, wie es auch verschiedene menschen gibt! mir wird schnell langweilig, daher nehme ich einfach alle und mache das was mir eben heute freude macht! die waage zeigt heute morgen minus 6.7kg an was mich natürlich auch freut... denn nach 20tagen ohne veränderung auf der waage kommt man schon einwenig ins grübeln! aber da ich energie habe für 5, den berg hinauf spaziere und nicht keuche, die hose dank 10cm weniger taillenumfang runterrutscht und ich vor dem spiegel nicht mehr den bauch einziehen muss... motiviert es mich weiter zu machen... muskeln sind eben keine fliegengewichte! ;)

in ca. 15monaten an meinem 35igsten geburtsatg werde ich bilanz ziehen und schauen wo ich stehe... ob ich fit geblieben bin... ob ich die umstellung so normal wie zähne putzen geworden ist... egal wo ich stehe... glücklich bin & bleibe ich sowieso!

ich drücke euch die daumen wenn ihr auch eine kleine gewohnheits-umstellung in betracht zieht! nicht zu verbissen, gebt euch zeit und unbedingt das leben weiter geniessen! ...de chunnts guet!

häbet ä gmögige tag... müntschi

...ir ändloos schleife bloodstream lose... i gedanke am angere ändi vor wäut... i dine arme... mini nase i dine haar... mini finger fahre über di rügge... gniesse... schwelge... tröime... äs müntschi... zwöi... weichi warmi lippe uf fiiner hut... u plötzlech dänksch wi schön das wär wes würklech wär... du & ig... so s paar ougeblicke... momänte... gmeinsami ziit... äs paar gueti gschpräch... liebi wort... zäme muusig lose... es glas rote wyy... zwöi... drü! lache... äs paar stund mit stärne über üs... wie ensteit so öppis usem nüt!? s'geit mit mr düre? viieu phantasie... dr riichtig momänt wod empfänglech bisch für so öppis herrlechs... ke erwartig & när so öppis... hmm... dr mage macht bürzliböim u gliichzitig isch ihm schlächt! ...dini ouge i mim chopf... si glänze... irgendöppis hesch i mir berüehrt... mis härz... es schlat jetz grad... chli näbem takt! hätti viieu fürigs gäud... ig chiem... grad jetz... würd ines flugzüg schtiige & unvrnünftig ines aabetüür ufbräche... mau luege... mau lose... gschpüre... du dert... ig da... ig tröime no ne rundi witer! wöuis cha! ...&eifach so!

mein senf zu den graustufen... (s’wär nid nötig, aber dsch ja no bi viiuem so!)

...wenn du zur haustüre heraustrittst sind sie bereits allgegenwärtig... sie hängen so da... graustufen!

...neben dem nebel, sind auch alle medien & geschäfte voll mit „shades of grey“ ...nagellack, massageöl, sogar „normale“ bekleidungsgeschäfte verkaufen augenbinden und ja, ir „do it yourself“-abteilig si kabubinder usvrchouft! mir geht das ganze ziemlich am arsch vorbei und trotzdem muss ich etwas senf loswerden!

...vor etwa 2 1/2jahren ist das buch, in deutsch, auf den markt gekommen! logo, ig bi nes gwungerigs meitschi u ha mi gfragt was läse die da z’amerika so wie vrgiftet! und habe mir den ersten band gekauft. damals war der hype hier noch nicht ausgebrochen... es geht ja in der schweiz immer etwas länger, bis man das fremde zulässt;)

so als gschichtli, fand ich das buch unterhaltsam! ich habe nicht hochstehende literatur erwartet und war somit auch nicht enttäuscht! (es wüsse äuä nid aui mönsche, dass es vrschideni kategorie z’läse git!) die weiteren bände habe ich alle nach erscheinen auch gekauft und verschlungen... weil gwungerig! ich wollte wissen ob sich meine gesponnene phantasie mit der geschichte deckt! auch finde ich frau e.l. james hat einen guten job gemacht! hey, oder hesch du o scho ä wäut-bestseller gschribe? ...mit über 70 millionen verkauften exemplaren der trilogie u de no die wo d’büecher wo usglehnt si worde, beachtlech... fingi! äs isch es gschichtli, nid meh u nid weniger! so wi mängs angere o, wo nid so nes trara drum gmacht wird! imfau! aber eben: sex sells, dsch ja nüt neus!

...mal endlich kann die grosse menge relativ offen, ohne grosses „schäm di“ über sex und vorlieben* sprechen, ohne das man abgestempelt wird! ist das so? ich glaube nicht! das tut man wohl immer noch nicht offen, nur mit einem „hihi“, äme „pfui“ und hinter vorgehaltener hand! voilà!

...als ich dieses buch gelesen habe... dachte ich: wesi de ds buech mau wei vrfiume, de wird das ä porno! ime „gwöhnleche“ chino chöi si dä ömu nid zeige, schüsch si de aui empört! tja, einwenig amüsiert lese ich die kommentare zu dem film! mal ehrlich, was habt ihre anderes erwartet?

...und ein film trifft doch nie genau unsere phantasie, darum gehe ich nicht gerne in einen film, von dem ich bereits das buch gelesen habe! ...denn, ich werde nicht gerne entäuscht und das ist vorprogrammiert! auch lasse ich mir nicht gerne meine vorstellungen kürzen oder gar nehmen!

...und jetzt ihr lieben echauffiert euch noch einwenig über den kassenschlager, sowie den kommerz! aber nicht zu doll, das gibt graue haare! ...mit dem kommerz verdient man halt leider das grosse geld! ansonsten wäre ich schon lange reich! 

in diesem sinn: jedem das seine und mir ein bisschen mehr!

*vorlieben: „ besonderes interesse; ausgeprägte neigung“ die si bi aune angers u über das mues me ja jetz bim beschte wiue nid diskutiere! ...& de öppe no säge dsch guet u das nid! pfff

#SchiinHeiligiZit

ihr lieben leute...

schon einen moment ist es her, dass ich das letzte mal einen post auf meinem blog veröffentlicht habe!

es liegt mir am herzen, dies jetzt nach zu holen und die besinnliche weihnachtszeit mit meinem senf zu würzen! voilà... wer lieber süsses möchte... der sollte jetzt auf weiter klicken!

letzte woche habe ich auf die heilige zeit aufmerksam gemacht... oder besser wie ein weiser mann... zu mir sagte  #SchiinHeiligiZit ...gegen aussen sind in dieser zeit ja gerne alle extrem besinnlich, spenden, schenken... machen sie es wirklich aus überzeugung... jede weihnachten immer wieder... oder doch einfach, weil es „zum guten ton“ gehört und man es so macht? man weiss es nicht, will man vielleicht auch nicht! 

ich möchte in dieser zeit gerne mal bewusst an andere menschen denken:

z.b. die polizisten-tschugger welche nicht immer, aber ab und an in ein schlechtes licht gerückt werden! sie sind die, die den kopf hinhalten... wenn es traurigen gestallten langweilig ist & sie sich auf der strasse die köpfe zusammen schlagen. sie sind auch die, die in der heiligen zeit, in der leider häufig suizide geschehen... die ersten auf platz sind... & mit den bildern fertig werden müssen, die sie antreffen... sie sind auch nur menschen wie du und ich, die nach bestem wissen und gewissen handeln und nach dem gesetz... auch sie machen fehler, wie jeder mensch!

z.b.. auch an die angehörigen die eine geliebte person durch einen suizid verloren haben... weil er keinen anderen ausweg wusste! warum? es gibt leider nicht immer eine antwort... ich wünsche euch viel kraft!

z.b. an das verkaufspersonal in den abertausenden geschäften, welche in dieser stressigen zeit jeden tag ein lächeln auf den lippen haben sollten... auch wenn sie wieder jemand zusammen gestaucht hat, weil etwas im regal fehlt! (und ganz bestimmt etwas lebens-notwendiges, welches durch nichts anderes ersetzt werden kann) sie arbeiten meist viel mehr über die feiertage und finden das bestimmt nicht nur glänzend und mit stern!

z.b. an die, welchen alles über den kopf wächst! ich verstehe euch... leisten... immer mehr... wie maschinen! weniger freizeit... kinder & arbeit & hobbys & partnerschaft & freunde & gutes aussehen... alles unter den gleichen hut zu bringen und dabei noch gesund zu bleiben... schwierig!

z.b. an alle die alleine sind! ...keine freunde, keine familie, keinen partner... an ihrer seite haben, um über diese #hach-so-schöne-zeit zu kommen!

...euch & auch allen anderen auf dieser welt wünsche ich viel kraft... wenn es mal nicht so will... wie ihr euch wünscht, gelassenheit... gerne stosse ich mit dir & einem glas wein aufs leben an, mehr toleranz... um fremden zu begegnen, freude... mit einem lachen auf den lippen geht manches leichter & von herzen alles liebe  für die letzten tage in diesem jahr... & ein schönes neues leeres heft mit einigen glitzer-seiten fürs 2015! 

Es si nid nume Chelsea-Boots tschuld!

Er steckt dr Schlüssu ids Schloss u miteme Ruck stosst er Türe uf. Äs isch nume Tür zu sire Zwöitwohnig. Auso eignetlech ischs nid mau sini Wohnig. Es wär ja scho chli Wahnsinnig ä Wohnig z'Paris z'ha, we me dr gröscht Teu vom Jahr z'Züri läbt. Er het bi eim vo sine Ufenthaute z'Paris ä schöni Pariserin, ire vrrouchte Bar im 14.Arrondissement, Quartier du Montparnasse lerekenne. 

D'Cloé, hmmm... si het ne sofort ume Finger gliiret. Er het gwüsst, dass sie weiss wie Ihri Reitze iisetze, dass er Ihre us dr Hand frisst. Es isch ihm aber so öppis vo gliich gsi u er hets eifach gnosse.

Wo ner über Türschweue louft... schmöckt er se scho. Ds süesse, feine Parfüm wo nume si cha trage. Genau das, wo ihm vor 2i Jahr dr Atem het groubt... Ir einte Hand si schwarz Vintage-Läder-Weekender u ir angere ä Struss Marguerites woner ame Händler ame Strassestand het abkouft. 

Äs isch ändi März u für di Jahreszit scho relativ warm. Näbe de vrwäschne Jeans, u sim schwarze V-Neck-Shirt (wo viilich äs bire-bitzi z'äng isch), treit er sini lieblings Chelsea-Boots und wie geng dr dunku-khaki Parka. Er isch Journalischt u liebts sini Utensilie aui i dere Jagge chönne z'vrstoue. Sie isch ungerdesse wi zu sire zwöite Hut worde, me kennt ne nid angers. Dr eint Jaggesack isch vo sire Ur-Aute Leica scho däwä vrpület, aber ohni die vrlater z'Huus nume ungärn.

U da sitzt si, d'Bei aazoge ufem breite Fänschtersims. Ä grob glismete Strickpulli, het si anne u bluti Bei. Näbe Ihre äs Whiskeyglas u ä quaumendi Cigarette. Das ersch 5i am Abe isch stört i dere Wäut niemer. Es louft "like real people do" vo Hozier, er chas chum erwarte sä i sine Arme z'gschpüre. "Honey just put your sweet lips on my lips. We should just kiss like real people do!" D'Luft knischteret, di eroteschi Schpannig würd sogar ä Blinde erkenne. Zunge inenang vrschlunge, ässe si gägesitig dr Atem vo änang. Dr Pulli ligt ufeme Hüfeli am Bode... sie liebt sini chli lengere dunkle Haar u lat ihri Händ drin vrschwinde.

Wörter bruche si kenni, sie wüsse was dr anger brucht. Dsch vom erschte Momänt a, so gsi. Er lüpft se uf u treit se düre läng, schmau Gang its Schlafzimmer. Näbem Spitzemüschterli, tanze Liecht-Spieglige vom Chronlüchter uf ihrer Hut. Sini Zunge nimmt di Usevorderig gärn a. Sini Fingerspitze brönne fasch uf ihrem Körper u si chas nid lasi ihri Negu i si Rügge z'chraue...

Dr dürtrainiert Banker, wo eigentlech ihre Chéri isch, cha si ungerdesse guet its Resärve-Schublädli vrbanne. Sch gäbig dä Mönsch a ihrer Site z'ha, er isch Gradlinig u si weiss was si a ihm het. Aber glich wett si dä ufregend, frömd Maa wo jetz grad a ihrem Bettändi chnöilet u ne Foto vo ihre mach... wie sie sech da i de Lintüecher wäuzt, nid misse! Das Neue lat se über aui Konventione wäg luege. Sch wi zure Sucht worde, es guet ghüetets Gheimniss u ja, viilich o es bitzi ä Kick... wöus viilich eines Tages chönnt usecho!

Es isch dunku worde ir Stadt, aber dür di viile Liechter isch aues ine goldige Schimmer ghüllt! Er steit ads Schmidiiserne-Gländer glähnet ufem Balkon u roucht Eini. Si Köper nimmt d'Farb vor Strasselatärne a u glänzt ganz fiin. Es het afa rägne, perfekt für sech nach some heisse Momänt abzchüehle. We da hinger ihm nid d'Cloé würd stah u nim mit ihrne weiche Lippe, d'Tröpfli vor Wirbusüle küsse...

Ä Chäuer?

Im 16ni wohnt dr Lionel. Ä unschiinbari Tür dänkt me, we me dran vrbi louft. Viilich hesch se bis jetz no nie beachtet!? u nid mau es Lüti hets, vrschwige de nes Namesschiudli. Bruchts, we eim öpper wett cho bsueche! Unbedingt, oder!? S'gseht chli us, aus chiemt me dür di Türe diräkt ine nasse, chaute Chäuer, wo härdelet u nach Härdöpfu schmöckt!?

Dr Lionel isch Ändi 20gi u es isch nid sini erschti Wohnig. Nei, er isch scho rächt ir Wäut umecho. Ihm isch z'Wohne aber nid so wichtig, är brucht eifach es Dach überem Chopf, dass er nid nass Ohre überchunnt. Aber da di Designermöbu u dä Luxus geit ihm am Arsch vrbi. Ihm si angeri Wärte wichtiger!

Er hets aber de scho gmögig iigrichtet. Sch aues mit fein schmöckigem Houz täferet. Er het ä grosse Tisch mit eme Bank u paarne Schtüeu ir Chuchi. Dsch eine vo dene Wärt: Gseuigkeit! Mit Fründe ir Rundi hocke, eine-zwe zäme trinke u über Gott u d'Wäut philosophiere!

Näb däm grosse Ruum, het er no nes chliises Schlafzimmer mitere gäube Gummode woner sini Chleider drin vrstout. Er fingt Chleider u das ganze Mode-Züg zimli ä Brunz u totau überbewärtet. O für das, nimmt er nid öppe gärn Gäud id Hang! Es notwändigs Übu haut!

No zum Lionel, er fingt si Name zimlech schrecklech u überhoupt nid männlech. Aber si Muetter het gfunge ds sigi doch süess für ds Bebe mit de dunkle Häärli u de Chugu-Öigli... wosi ne nach dr Geburt i de Arme het gha! Er fingt, sie hät söue z'Hiirni ischaute bi der Entscheidig, wöu er heig jetz di Konsequänze z'trage! Aber äbe, ds het scho dr eint oder anger Philosophisch-Abe gfüllt.

Dr Lion wi ner sech lieber nennt (so wägem männlech), het di Obligatoreschi Schueuzit ohni Problem dürebracht, s'het ne aber Eländ aagschnäggelet u er isch wäuts froh gsi woner nach 9jahr het chönne dr Rucksack ine Egge pängle! Da er so guet isch gsi ir Schueu, hei sini Eltere grosses vorgha mit ihm. Nach langem hin u här, het er de chönne es Ustuusch-Jahr z'Ängland ushandle, wo nim für sini Bruefswahu chli ziit vrschaft het!

In Ängland isch du dr Lion Voujährig worde u de grad für nes Ziitli blibe! Het sich mit Glägeheitsjob's Überwasser ghaute u het sech näbe bi, sir Liideschaft am male gwidmet. Er isch es wäuts Talänt, aber dsch bir Kunscht ja relativ aasichtssach! Aber we mä Technik woner het aaluegt, de het ers im Griff! Sch ihm o egau das er nid riich wird. Er fingt ihm läng das, wener jede Tag chönn ufstah u Freud ha, a däm woner macht! Nume vom male eleini cha är aber nid läbe u de schaffet er no 2 Äbe ire guete Musig-Bar. Dert chaner Gseuigkeit & sini liebi zur Musig usläbe.

Öppe die wird dr Lion scho rächt belächlet! "dä Tröimer dä!" u o viieu Froue finge ds eher abschreckend! "U nei, dsch mr ä z'gwaggelegi Gschicht!"

Bis einisch ame Donnschtig-Abe es schöns Meitschi mit blonde Chruseli ad Bar sitzt & u mit grötete Backe äs Glas Rote bi nim bsteut. Si schwümme sofort uf dr gliche Wäuelengi... & vrquatsche sich! Nach es paar Stung, sch ne vor cho wi paar Minute... hei beidi no röteri & ganz warmi Backe! U das nid nume wägem Rote! Es het ne uf aahieb dr Ermu ine gno! Isch äch das da "di Liebi ufe erscht Blick"!?

Ja, mängisch wär er froh... er hät ändi Monet no chli meh uf dr Bank. Aber solang er cha sini loufende Usgabe zahle, si Buuch nid zfescht chnurret u ner fasch au morge miteme lache uf de Lippe erwacht (u jetz sogar miteme schöne Meitschi im Arm, wo ne vrsteit) ...wird er äuä nüt ändere i sim Läbe!

hinger vrschlossene türe...

hesch dr oscho überleit was es aues für gschichte git... hinger vrschlossene türe!? schöns, truurigs, vrstörends, erstunlechs, luschtigs, schregs... & sicher no einiges meh! mä louft dür d'wäut u het d'ouge & d'ohre offe! ...& doch blibe viieu gschichte, hinger de türe vrborge. ig ha vor angerne türe gwüscht... & drbi hani so einiges vrno...bisch du o ne gwungernase & gspannt was hinger dene türe louft? söu dr di gschichtli vrzeue!? so aus bettmümpfeli!?