...ir ändloos schleife bloodstream lose... i gedanke am angere ändi vor wäut... i dine arme... mini nase i dine haar... mini finger fahre über di rügge... gniesse... schwelge... tröime... äs müntschi... zwöi... weichi warmi lippe uf fiiner hut... u plötzlech dänksch wi schön das wär wes würklech wär... du & ig... so s paar ougeblicke... momänte... gmeinsami ziit... äs paar gueti gschpräch... liebi wort... zäme muusig lose... es glas rote wyy... zwöi... drü! lache... äs paar stund mit stärne über üs... wie ensteit so öppis usem nüt!? s'geit mit mr düre? viieu phantasie... dr riichtig momänt wod empfänglech bisch für so öppis herrlechs... ke erwartig & när so öppis... hmm... dr mage macht bürzliböim u gliichzitig isch ihm schlächt! ...dini ouge i mim chopf... si glänze... irgendöppis hesch i mir berüehrt... mis härz... es schlat jetz grad... chli näbem takt! hätti viieu fürigs gäud... ig chiem... grad jetz... würd ines flugzüg schtiige & unvrnünftig ines aabetüür ufbräche... mau luege... mau lose... gschpüre... du dert... ig da... ig tröime no ne rundi witer! wöuis cha! ...&eifach so!

mein senf zu den graustufen... (s’wär nid nötig, aber dsch ja no bi viiuem so!)

...wenn du zur haustüre heraustrittst sind sie bereits allgegenwärtig... sie hängen so da... graustufen!

...neben dem nebel, sind auch alle medien & geschäfte voll mit „shades of grey“ ...nagellack, massageöl, sogar „normale“ bekleidungsgeschäfte verkaufen augenbinden und ja, ir „do it yourself“-abteilig si kabubinder usvrchouft! mir geht das ganze ziemlich am arsch vorbei und trotzdem muss ich etwas senf loswerden!

...vor etwa 2 1/2jahren ist das buch, in deutsch, auf den markt gekommen! logo, ig bi nes gwungerigs meitschi u ha mi gfragt was läse die da z’amerika so wie vrgiftet! und habe mir den ersten band gekauft. damals war der hype hier noch nicht ausgebrochen... es geht ja in der schweiz immer etwas länger, bis man das fremde zulässt;)

so als gschichtli, fand ich das buch unterhaltsam! ich habe nicht hochstehende literatur erwartet und war somit auch nicht enttäuscht! (es wüsse äuä nid aui mönsche, dass es vrschideni kategorie z’läse git!) die weiteren bände habe ich alle nach erscheinen auch gekauft und verschlungen... weil gwungerig! ich wollte wissen ob sich meine gesponnene phantasie mit der geschichte deckt! auch finde ich frau e.l. james hat einen guten job gemacht! hey, oder hesch du o scho ä wäut-bestseller gschribe? ...mit über 70 millionen verkauften exemplaren der trilogie u de no die wo d’büecher wo usglehnt si worde, beachtlech... fingi! äs isch es gschichtli, nid meh u nid weniger! so wi mängs angere o, wo nid so nes trara drum gmacht wird! imfau! aber eben: sex sells, dsch ja nüt neus!

...mal endlich kann die grosse menge relativ offen, ohne grosses „schäm di“ über sex und vorlieben* sprechen, ohne das man abgestempelt wird! ist das so? ich glaube nicht! das tut man wohl immer noch nicht offen, nur mit einem „hihi“, äme „pfui“ und hinter vorgehaltener hand! voilà!

...als ich dieses buch gelesen habe... dachte ich: wesi de ds buech mau wei vrfiume, de wird das ä porno! ime „gwöhnleche“ chino chöi si dä ömu nid zeige, schüsch si de aui empört! tja, einwenig amüsiert lese ich die kommentare zu dem film! mal ehrlich, was habt ihre anderes erwartet?

...und ein film trifft doch nie genau unsere phantasie, darum gehe ich nicht gerne in einen film, von dem ich bereits das buch gelesen habe! ...denn, ich werde nicht gerne entäuscht und das ist vorprogrammiert! auch lasse ich mir nicht gerne meine vorstellungen kürzen oder gar nehmen!

...und jetzt ihr lieben echauffiert euch noch einwenig über den kassenschlager, sowie den kommerz! aber nicht zu doll, das gibt graue haare! ...mit dem kommerz verdient man halt leider das grosse geld! ansonsten wäre ich schon lange reich! 

in diesem sinn: jedem das seine und mir ein bisschen mehr!

*vorlieben: „ besonderes interesse; ausgeprägte neigung“ die si bi aune angers u über das mues me ja jetz bim beschte wiue nid diskutiere! ...& de öppe no säge dsch guet u das nid! pfff

#SchiinHeiligiZit

ihr lieben leute...

schon einen moment ist es her, dass ich das letzte mal einen post auf meinem blog veröffentlicht habe!

es liegt mir am herzen, dies jetzt nach zu holen und die besinnliche weihnachtszeit mit meinem senf zu würzen! voilà... wer lieber süsses möchte... der sollte jetzt auf weiter klicken!

letzte woche habe ich auf die heilige zeit aufmerksam gemacht... oder besser wie ein weiser mann... zu mir sagte  #SchiinHeiligiZit ...gegen aussen sind in dieser zeit ja gerne alle extrem besinnlich, spenden, schenken... machen sie es wirklich aus überzeugung... jede weihnachten immer wieder... oder doch einfach, weil es „zum guten ton“ gehört und man es so macht? man weiss es nicht, will man vielleicht auch nicht! 

ich möchte in dieser zeit gerne mal bewusst an andere menschen denken:

z.b. die polizisten-tschugger welche nicht immer, aber ab und an in ein schlechtes licht gerückt werden! sie sind die, die den kopf hinhalten... wenn es traurigen gestallten langweilig ist & sie sich auf der strasse die köpfe zusammen schlagen. sie sind auch die, die in der heiligen zeit, in der leider häufig suizide geschehen... die ersten auf platz sind... & mit den bildern fertig werden müssen, die sie antreffen... sie sind auch nur menschen wie du und ich, die nach bestem wissen und gewissen handeln und nach dem gesetz... auch sie machen fehler, wie jeder mensch!

z.b.. auch an die angehörigen die eine geliebte person durch einen suizid verloren haben... weil er keinen anderen ausweg wusste! warum? es gibt leider nicht immer eine antwort... ich wünsche euch viel kraft!

z.b. an das verkaufspersonal in den abertausenden geschäften, welche in dieser stressigen zeit jeden tag ein lächeln auf den lippen haben sollten... auch wenn sie wieder jemand zusammen gestaucht hat, weil etwas im regal fehlt! (und ganz bestimmt etwas lebens-notwendiges, welches durch nichts anderes ersetzt werden kann) sie arbeiten meist viel mehr über die feiertage und finden das bestimmt nicht nur glänzend und mit stern!

z.b. an die, welchen alles über den kopf wächst! ich verstehe euch... leisten... immer mehr... wie maschinen! weniger freizeit... kinder & arbeit & hobbys & partnerschaft & freunde & gutes aussehen... alles unter den gleichen hut zu bringen und dabei noch gesund zu bleiben... schwierig!

z.b. an alle die alleine sind! ...keine freunde, keine familie, keinen partner... an ihrer seite haben, um über diese #hach-so-schöne-zeit zu kommen!

...euch & auch allen anderen auf dieser welt wünsche ich viel kraft... wenn es mal nicht so will... wie ihr euch wünscht, gelassenheit... gerne stosse ich mit dir & einem glas wein aufs leben an, mehr toleranz... um fremden zu begegnen, freude... mit einem lachen auf den lippen geht manches leichter & von herzen alles liebe  für die letzten tage in diesem jahr... & ein schönes neues leeres heft mit einigen glitzer-seiten fürs 2015! 

Es si nid nume Chelsea-Boots tschuld!

Er steckt dr Schlüssu ids Schloss u miteme Ruck stosst er Türe uf. Äs isch nume Tür zu sire Zwöitwohnig. Auso eignetlech ischs nid mau sini Wohnig. Es wär ja scho chli Wahnsinnig ä Wohnig z'Paris z'ha, we me dr gröscht Teu vom Jahr z'Züri läbt. Er het bi eim vo sine Ufenthaute z'Paris ä schöni Pariserin, ire vrrouchte Bar im 14.Arrondissement, Quartier du Montparnasse lerekenne. 

D'Cloé, hmmm... si het ne sofort ume Finger gliiret. Er het gwüsst, dass sie weiss wie Ihri Reitze iisetze, dass er Ihre us dr Hand frisst. Es isch ihm aber so öppis vo gliich gsi u er hets eifach gnosse.

Wo ner über Türschweue louft... schmöckt er se scho. Ds süesse, feine Parfüm wo nume si cha trage. Genau das, wo ihm vor 2i Jahr dr Atem het groubt... Ir einte Hand si schwarz Vintage-Läder-Weekender u ir angere ä Struss Marguerites woner ame Händler ame Strassestand het abkouft. 

Äs isch ändi März u für di Jahreszit scho relativ warm. Näbe de vrwäschne Jeans, u sim schwarze V-Neck-Shirt (wo viilich äs bire-bitzi z'äng isch), treit er sini lieblings Chelsea-Boots und wie geng dr dunku-khaki Parka. Er isch Journalischt u liebts sini Utensilie aui i dere Jagge chönne z'vrstoue. Sie isch ungerdesse wi zu sire zwöite Hut worde, me kennt ne nid angers. Dr eint Jaggesack isch vo sire Ur-Aute Leica scho däwä vrpület, aber ohni die vrlater z'Huus nume ungärn.

U da sitzt si, d'Bei aazoge ufem breite Fänschtersims. Ä grob glismete Strickpulli, het si anne u bluti Bei. Näbe Ihre äs Whiskeyglas u ä quaumendi Cigarette. Das ersch 5i am Abe isch stört i dere Wäut niemer. Es louft "like real people do" vo Hozier, er chas chum erwarte sä i sine Arme z'gschpüre. "Honey just put your sweet lips on my lips. We should just kiss like real people do!" D'Luft knischteret, di eroteschi Schpannig würd sogar ä Blinde erkenne. Zunge inenang vrschlunge, ässe si gägesitig dr Atem vo änang. Dr Pulli ligt ufeme Hüfeli am Bode... sie liebt sini chli lengere dunkle Haar u lat ihri Händ drin vrschwinde.

Wörter bruche si kenni, sie wüsse was dr anger brucht. Dsch vom erschte Momänt a, so gsi. Er lüpft se uf u treit se düre läng, schmau Gang its Schlafzimmer. Näbem Spitzemüschterli, tanze Liecht-Spieglige vom Chronlüchter uf ihrer Hut. Sini Zunge nimmt di Usevorderig gärn a. Sini Fingerspitze brönne fasch uf ihrem Körper u si chas nid lasi ihri Negu i si Rügge z'chraue...

Dr dürtrainiert Banker, wo eigentlech ihre Chéri isch, cha si ungerdesse guet its Resärve-Schublädli vrbanne. Sch gäbig dä Mönsch a ihrer Site z'ha, er isch Gradlinig u si weiss was si a ihm het. Aber glich wett si dä ufregend, frömd Maa wo jetz grad a ihrem Bettändi chnöilet u ne Foto vo ihre mach... wie sie sech da i de Lintüecher wäuzt, nid misse! Das Neue lat se über aui Konventione wäg luege. Sch wi zure Sucht worde, es guet ghüetets Gheimniss u ja, viilich o es bitzi ä Kick... wöus viilich eines Tages chönnt usecho!

Es isch dunku worde ir Stadt, aber dür di viile Liechter isch aues ine goldige Schimmer ghüllt! Er steit ads Schmidiiserne-Gländer glähnet ufem Balkon u roucht Eini. Si Köper nimmt d'Farb vor Strasselatärne a u glänzt ganz fiin. Es het afa rägne, perfekt für sech nach some heisse Momänt abzchüehle. We da hinger ihm nid d'Cloé würd stah u nim mit ihrne weiche Lippe, d'Tröpfli vor Wirbusüle küsse...

Ä Chäuer?

Im 16ni wohnt dr Lionel. Ä unschiinbari Tür dänkt me, we me dran vrbi louft. Viilich hesch se bis jetz no nie beachtet!? u nid mau es Lüti hets, vrschwige de nes Namesschiudli. Bruchts, we eim öpper wett cho bsueche! Unbedingt, oder!? S'gseht chli us, aus chiemt me dür di Türe diräkt ine nasse, chaute Chäuer, wo härdelet u nach Härdöpfu schmöckt!?

Dr Lionel isch Ändi 20gi u es isch nid sini erschti Wohnig. Nei, er isch scho rächt ir Wäut umecho. Ihm isch z'Wohne aber nid so wichtig, är brucht eifach es Dach überem Chopf, dass er nid nass Ohre überchunnt. Aber da di Designermöbu u dä Luxus geit ihm am Arsch vrbi. Ihm si angeri Wärte wichtiger!

Er hets aber de scho gmögig iigrichtet. Sch aues mit fein schmöckigem Houz täferet. Er het ä grosse Tisch mit eme Bank u paarne Schtüeu ir Chuchi. Dsch eine vo dene Wärt: Gseuigkeit! Mit Fründe ir Rundi hocke, eine-zwe zäme trinke u über Gott u d'Wäut philosophiere!

Näb däm grosse Ruum, het er no nes chliises Schlafzimmer mitere gäube Gummode woner sini Chleider drin vrstout. Er fingt Chleider u das ganze Mode-Züg zimli ä Brunz u totau überbewärtet. O für das, nimmt er nid öppe gärn Gäud id Hang! Es notwändigs Übu haut!

No zum Lionel, er fingt si Name zimlech schrecklech u überhoupt nid männlech. Aber si Muetter het gfunge ds sigi doch süess für ds Bebe mit de dunkle Häärli u de Chugu-Öigli... wosi ne nach dr Geburt i de Arme het gha! Er fingt, sie hät söue z'Hiirni ischaute bi der Entscheidig, wöu er heig jetz di Konsequänze z'trage! Aber äbe, ds het scho dr eint oder anger Philosophisch-Abe gfüllt.

Dr Lion wi ner sech lieber nennt (so wägem männlech), het di Obligatoreschi Schueuzit ohni Problem dürebracht, s'het ne aber Eländ aagschnäggelet u er isch wäuts froh gsi woner nach 9jahr het chönne dr Rucksack ine Egge pängle! Da er so guet isch gsi ir Schueu, hei sini Eltere grosses vorgha mit ihm. Nach langem hin u här, het er de chönne es Ustuusch-Jahr z'Ängland ushandle, wo nim für sini Bruefswahu chli ziit vrschaft het!

In Ängland isch du dr Lion Voujährig worde u de grad für nes Ziitli blibe! Het sich mit Glägeheitsjob's Überwasser ghaute u het sech näbe bi, sir Liideschaft am male gwidmet. Er isch es wäuts Talänt, aber dsch bir Kunscht ja relativ aasichtssach! Aber we mä Technik woner het aaluegt, de het ers im Griff! Sch ihm o egau das er nid riich wird. Er fingt ihm läng das, wener jede Tag chönn ufstah u Freud ha, a däm woner macht! Nume vom male eleini cha är aber nid läbe u de schaffet er no 2 Äbe ire guete Musig-Bar. Dert chaner Gseuigkeit & sini liebi zur Musig usläbe.

Öppe die wird dr Lion scho rächt belächlet! "dä Tröimer dä!" u o viieu Froue finge ds eher abschreckend! "U nei, dsch mr ä z'gwaggelegi Gschicht!"

Bis einisch ame Donnschtig-Abe es schöns Meitschi mit blonde Chruseli ad Bar sitzt & u mit grötete Backe äs Glas Rote bi nim bsteut. Si schwümme sofort uf dr gliche Wäuelengi... & vrquatsche sich! Nach es paar Stung, sch ne vor cho wi paar Minute... hei beidi no röteri & ganz warmi Backe! U das nid nume wägem Rote! Es het ne uf aahieb dr Ermu ine gno! Isch äch das da "di Liebi ufe erscht Blick"!?

Ja, mängisch wär er froh... er hät ändi Monet no chli meh uf dr Bank. Aber solang er cha sini loufende Usgabe zahle, si Buuch nid zfescht chnurret u ner fasch au morge miteme lache uf de Lippe erwacht (u jetz sogar miteme schöne Meitschi im Arm, wo ne vrsteit) ...wird er äuä nüt ändere i sim Läbe!

hinger vrschlossene türe...

hesch dr oscho überleit was es aues für gschichte git... hinger vrschlossene türe!? schöns, truurigs, vrstörends, erstunlechs, luschtigs, schregs... & sicher no einiges meh! mä louft dür d'wäut u het d'ouge & d'ohre offe! ...& doch blibe viieu gschichte, hinger de türe vrborge. ig ha vor angerne türe gwüscht... & drbi hani so einiges vrno...bisch du o ne gwungernase & gspannt was hinger dene türe louft? söu dr di gschichtli vrzeue!? so aus bettmümpfeli!?

mau öppis süesses...

geschter abe nachem schwümme... dir gloubet ja nid, ha ig gluscht gha uf öppis süesses! da ig säute bis nie süessi sache däheim ha... die loufe meischtens ab, wöui zersch d'salami, dr chäs & d'grissinis isse! hani müesse kreativ si: für mi ja nid z'gröbschte problem! ;) mit inschpiration vom letschte weekend, wo öpper blätterteig-nuss-stange het gmacht... hani zum glück äm mäntig ä blätterteig kouft (ds hätti schüsch nid eifach däheim) u de isch mr da dä gipfeler vom betty bossi isinn cho! betty bossi het ja tonnewiis so cooli sache wo me, we me z'heftli überchunnt dänkt: "wie hani bis jetz ohni das chönne läbe!" ...u de äbe, bsteut me... & mä hät würklech o guet ohni das jenige welche chönne witerläbe!;) auso ig finge di sache ja aui super, o d'chochbüecher ect. ig bi sicher scho ab u zue froh gsi! aber äbe... dä gipfeler muesi ehrlech zuegä... isch scho chlei vrstoubt im chuchischäftli gstange;)
ehh, isch ja glich... ig bi ömu froh gsi hani dä gipfeler anno dazumau kouft, wöu was hätti jetz o ohni dä gmacht!?
im schäftli hani de no 60gr. gmahleni hasunüss gfunge, ha öppe 30gr. zucker drungergmischt, ä öppfu mit dr bircherraffle drzue grafflet (samt dr schale, di isch gsung), ä priise zimet & mit chlei zitronesaft abgschmöckt... s'het so ne gäbegi, füechti masse gä woni uf däm gipfeler vrteilt ha! gipfeli gformet, u für öppe 20min. (je nach brüünigs wunsch) bi 180grad i vorgwermt ofe ta u bache;) ...la abchuele u de grosszügig mit puderzucker beschtäubt! himmlisch... leu warm vrputzt, si hei abgang gha...

ig ha mir vorgno dä gipfeler i zuekunft no chlei meh z'bruche & ne nüm la z'vrstoube! ig chönnt gli mau croissant aux chocolat mache, di si leu warm usem ofe sicher o nid z'vrachte! oder de no ne sauzegi variante mit...!?
düet dir o gärn improvisiere? oder aus nume ab rezäpt? u wie heit dirs so mit de betty bossi sache?

outing: dentist angst!

hö, was? ja, genau das was ihr denkt! ich nehme das wort mit Z nicht mehr in den mund;) ich finde dentist tönt schöner in meinem ohr, weniger böse & gefährlich! überlischtet!;)

auso, wo fa ig da a!? ja, ich habe angst! sehr grosse sogar! immer noch ein tabu thema! wie ich von meiner dentistin gehört habe, ein weit verbreitetes & das trotz grosser angst... oder äbe gnau wäg dere!

meine geschichte beginn bereits in kindertagen! seit ich mich erinnere, habe ich grosse panik wenn das Z-wort fällt! es ist so schlimm, dass ich mich sogar mal vom hochbett in den tod stürzen wollte, ähä! übertribe... hani chönne! aber we me ke angere uswäg weiss!? hmm...

da ich zum glück relativ gute zähne habe, bin ich irgendwie durch die kindertage gekommen ! jedes mal wenn ich auf diesen stuhl sitzen musste... us het gheisse... mä duet z'muu uf & söfu blöd mues me jetz würklech nid tue... ds müesse aui... wurde es in mir ein bisschen schlimmer... unerträglicher, panischer! schon damals wusste ich, wenn ich mal gross bin... gani nüm zu däm! ...ich wurde 18, volljährig und ging nicht mehr! voilà, problem gelöst! hach! die schönsten 8jahre meines lebens!

...& de einisch ame morge... *zägg* ä bitz zahn abbroche! u jetz!? panik... ig bi vrlore! tönt jetzt relativ unspektakulär & übertribe, aber glaubt mir, wenn ihr wirklich angst habt, der blanke horror! dazu kam, das mein liebster in einem belanglosen gespräch fallen lies... "ig hät scho müeh mit äre frou mit grusige zähn!" *ä schweissperle isch mr denn dr rügge ab grügelet* ich habe bis dahin niemandem von meiner angst erzählt, nicht mal ihm! weil... ds müesse ja aui & jetz due nid so doof!

ja, was nun! zum glück wohnte ich damals in einem haus, in dem eine dentisten-assistentin wohnte! all meinen mut zusammen genommen & bei ihr angeklopft... ich hätte ein problem... sie hat mich beruhigt und meinte, man dürfe angst haben von dem Z-wort-mann! das hätten sehr viele! 
den termin abgemacht... fand ich einen alten, ruhigen mann im zimmer vor! er hat mich beruhigt & mit guter atem-technik, habe ich diese sitzungen überlebt! alles wider okey! 
in dieser praxis habe ich dann auch eine wunderbare, liebe & gute dental-hygienikerin kennengelernt. bin auch mehr oder weniger freiwillig 1mal im jahr, bei ihr auf der matte erschienen!

dann kam die nachricht: sie höre auf & der dentist gehe in pension! wider ä chlini wäut zäme broche... ja ig weiss, dass auti manne irgendeis i pension gö! aber ich habe es damals gekonnt verdrängt! u jetz!?

man wurde, wenn man wollte, einfach auf den neuen dentis überschrieben... ein junger symphatischer mann! aber äbe... ds heisst no nüt! 
übrigens, im dental-hygiene-termine gaaanz spät abmache, bini o bis denn geng ä held blibe! bin aber immer weiter gegangen, weil ich auch von der neuen, sehr sympatischen und einfühlsamen frau angenehm behandelt wurde! wenn ihr jetzt denkt super, angst überwunden... weit gefehlt! der tag kam, an dem mir gesagt wurde, man sollte eine füllung bei einem zahn ersetzen!

schlaflose nächt, panik attacken, kalter schweiss, herz rasen... immer und immer wieder, wenn es zwischen dem verdrängen hochkam!  sogar zahn-werbungen im tv konnte ich nicht mehr schauen! 
söfu blöd bini nid, dass i nid hätt gwüsst, dass wenis jetz nid mache... das es schlimmer wird! aber äbe! 
nun war ich so weit das ich über meine angst sprechen konnte, es hat gut getan & "ihr" wohl auch einwenig den wind aus den segeln genommen! aber weg, war sie noch nicht! ich habe an einen psychologen gedacht!? ig mues di angscht i griff übercho!

der dentist hat mir seine frau empfohlen. sie arbeite mit angstpatienten! aha! 
termin abgemacht... nach 10tagen... darüber nachdenken & mich innerlich beruhigen! 

ich sass also im wartezimmer... & sah sie zum ersten mal, ein hach-lachen und ich fühlte mich schon besser! jetz sass ich also bei ihr auf dem stuhl... eine sehr symphatische frau, jemand der mir zuhörte und ich das gefühl hatte, dass erste mal ernst genommen zu werden. sie hörte mir zu und sie sagte mir "ig vrstah nech!" woow, ig bi nüm äleini! sie hat sich durch ihre flugangst dazu entschlossen angstpatienten zu helfen, weil sie selbst weiss wie sich angst, panik anfühlt! 
wir haben einen termin abgemacht. so kam es, dass ich einen monat später zum auswechseln der zahnfüllung... zwar immer noch aufgeregt, aber mit dem wissen, dass man die behandlung zu jeder zeit unterbrechen kann... auf dem stuhl platz nahm! sie hat mir empfohlen, die behandlung mit lachgas auszuprobieren! das hab ich auch gemacht. einwenig ungewohnt ist es schon... ich habe eine maske über die nase bekommen, durch welche man ein lachgas-sauerstoff gemisch einatmet! ich wurde ruhiger, konnte immer besser-ruhiger atmen & das gefühl von "sch mir doch wurscht, dass du i mim muu umeguslisch!" stellte sich ein! ...die stunde und der eingriff gingen ohne probleme und im nu vorbei! ...& es isch erträglech gsi!

wie es in zukunft wird, kann ich euch noch nicht sagen. ich weiss aber, dass es gut tut... zu dieser angst zustehen! ich weiss, dass man ernst genommen wird und man jede behandlung unterbrechen könnte! dies gibt mir die sicherheit, nicht mehr ganz so ausgeliefert zu sein! ...& es geit mr am arsch vrbi, obi belächlet wirde! ja, ig kenne ANGSCHT!

habt ihr auch angst? wenn ja, probiert zu einem dentist zu gehen, welcher euch mit diesem unbehagen helfen kann! denn die lebensqualität ist viiiel grösser, wenn dich diese angst nicht mehr überall hin begleitet! nur mut! o we di niemer ärnscht nimmt, ig dues & drücke dr fescht düme!

mi zahnarzt!

legüm chüechli (tartes aux légumes)

 
- ä koufte, rund usgwaute kuecheteig äng mitere gable iischtäche & uf nes mit backpapier beleits bläch lege...
- 2eier mit 250-350gr. ricotta vrrüehre, 70gr. parmesan drunger mische mitere pris muskat & chli pfäffer würze & de d'masse ufem teig vrstriiche...
- ä aubergine, 2 grossi rüebli & öppe 2 zucchetti i fiini schtreife hoble...
- d'gmüesstreife kreisförmig uf d'füuig lege, drbi vo usse aafa...
- jetz no für öppe 60min zungerscht i ofe!

ä guete (sch u fein gsi... drzue no nes grüens blatt-salätli & nes somersby )ig chönnt mr guet vorsteue, dass ds ricotta bödeli no mit diversne angerne gmües u fein wär!

quelle: kraut und rüben

usziit...

„ig lösche hinech mau aui mini twitter-facebook-apps… für ca. ä monet! wünsche nech ä gueti ziit & viilich siter ja no da, weni ume chume!? heißt sofern igs ä monet ohni euch “ushaute”!?;) biuderbüechli (instagram) bruchi witer u via sms, telefon oder brief-poscht chame mi o witer erreiche… häbet ä schöne juni, löt nech vor sunne la werme, grillet, suufet es glas zwöi rote, häbet freud am läbe & gniesset! müntschi“

...das habe ich am 02.06.2014 nachmittags über meinen tumbler-blog geprostet! ich habe schwer vor es auch durch zu ziehen! wieso weiß ich auch noch nicht so genau... im ha mrs scho lang mau überleit... jetzt setze ich es um!

03.06.14: noch keine entzugserscheinungen, habe mir beim frühstück aber doch kurz überlegt die twitter-app zu öffnen... weil gwohnheit! sie ist aber gelöscht & somit kam ich nicht in versuchung!

...

16.06.14: 13tage oder auch ca. halbzeit... später öffne ich diese datei wieder, um wieder was zu notieren! 13tage ohne twitter... ohne facebook! hmm... zuerst mal das schnell erledigte: facebook vermisse ich nicht wirklich... ausser vielleicht weil man nicht mehr die gwungernase cha fuettere... wenn ich mal 2x pro tag die app öffne ist das sehr viiel!  aber schüsch nö, nid würklech... ich nütze das nicht wirklich. aber auch nach bald 2wochen habe ich trotzdem nicht das bedürfnis, dass ganze profil zu löschen! ich werde es wohl weiter nutzen wie bisher! option offen lassen... & es brauchen zu können wenn man will... ist ganz okay!

bei twitter ist es irgendwie anders... dir fählet mr zum teu richtig fescht! ;) oder jedenfalls einwenig!;) mir wei ja nid übertribe! manchmal ertappe ich mich wie ich an jemanden von euch denke... auch an solche die ich noch nie im „real life“ getroffen habe, ich frage mich was du wohl machst und wie deine geschichte weiter geht... ig hät ja nie dänkt das ds mau so usechunnt! ich könnte auch gut ohne euch weiter leben, wenn es denn sein müsste! ;D sorry, das nech jetz d’illusion nime: es giengt scho ohni euch! ich habe nicht das gefühl es ist schlimm nicht in die tl zu sehen! sogar überhoupt nid! mir war auch nie langweilig ohne euch! ig ha bim beschte wille  gnue angeri hobbys, z’tüe, z'erledige... aber etwas fehlt! einwenig vermissen? profile? menschen die man gar noch nicht echt kennt!? ja, wohl so was muss es sein!

...wie geht es wohl euch? hat wohl jemand gemerkt, dass ich weg bin!?

habt ihr euch auch schon mal gefragt wie ihr in den augen der anderen rüberkommt? ich ja! oder seit ihr alle dermassen von euch überzeugt, dass nech das am arsch vrbi geit? oder überleget eifach nid söfu wie ig!? auso ig wett mi ja nid für nech ändere... aber mängisch würd mi gluuschte zwüsse wi dr mi würdet zeichne u was für wörtli dr würdet drzue schribe ;D jeder von euch ist speziell und hat ein „mödeli“ oder erkennungsmerkmal und ich finde es spannend einwenig von euch mitzubekommen, ob ihr jetzt echt seit oder euer gefaktes getue, genau die mischung macht es aus! was ich in dieser zeit bis jetzt gemerkt habe... ich muss unbedingt ausmisten und die menschen die nicht auf meiner wellenlänge sind (si äbe nid nur z'gwürz ir tl), eifach nur gwungernase fuettere (auso nid mit eim kommuniziere), mich nerven, oder einfach nur jammern, löschen... ich mag das nicht mehr! ein mimimi ab und zu,  ist ja ganz okey, (bruchi o, machi o & für das si mr ja o chli da) aber mehr vertrage ich zur zeit nicht! keine ahnung wie ich twitter in zukunft nutzen werde... ig chume uf aufäu ume rötur... um dieses kapitel zu beenden habe ich euch z liebgewonnen, ich habe zu grossen spass daran & habe schon zuviiele gute menschen in „echt“ kennen gelernt! könnte sein, dass ich es reduzierter nutze... aber äbe... mä isch schnäu ume im autagstrott & de vrzeui ume vom wyy suffe, vor hach-chatz oder vom fritz wo het g’naseböögelet! sorry schomau... sch haut nid würklech technisch... wobi! eh lö mr das! aber wie bisher... es ist euch freigestellt mich zu entfolgen! lieber so, als das sich jemand über mich nervt oder evt. noch graue haare bekommen könnte... jaaa nid! ;)

ich nehme jetzt noch den 2.teil meiner usziit in angriff! bin gespannt wie ich es weiter „durchhalte“! ich hoffe ihr habt meine postkarte erhalten!? (merci rahel zum iiwärfe!)

30.06.14: eigentlich wäre meine auszeit, um es haargenau zu nehmen noch bis am 02.07.14 gegangen... aber wär nimmt das scho so gnau!? ich hatte das gefühl heute ist der richtige zeitpunkt zurück zukommen... tada! hier bin ich... & welch wunder bim ineschnouse isch no aues bim aute gsi... ich bin gespannt wie das einleben und das weiter nutzen sein wird!? es war eine wunderbare zeit und ich kann es euch nur weiterempfehlen!